Compartir:



A Festa das Uvas, un evento co que Vilagarcía se converte dende hai doce anos no primeiro municipio de España en recibir o Aninovo, ás doce da mañá do 31 de decembro. Ca excepción do 2003 que se cancelou pola traxedia do fundimento do Prestige.





Para dar a benvida ao ano 2012, o Concello repartiu gratuitamente 350 quilos de uvas e centos de gominolas e 400 botellas de cava para o brindis final. Tamén música, a actuación de DJ Barral, animación de rúa, bombas de conffetti e bombas de palenque, ademais de contar coa colaboración de Josito Porto que se encargará de animar os minutos precedentes ás doce do mediodía e de explicar aos asistentes o cerimonial da toma das uvas diferenciando os cuartos das badaladas das horas.


A Concellería de Xuventude contou este ano co patrocinio de Gadisa, empresa que aporta os 350 quilos de uvas e as 400 botellas de cava. Ademais colaboran na loxística do reparto das uvas e do cava a asociación xuvenil A Trincadeira e Zona Aberta. Este ultimo colectivo tamén se encargou do embolsado das uvas e das gominolas en racións de 12 unidades.


A pola cancha de baloncesto para Vilagarcía

Os asistentes á festa tamén aproveitaron a ocasión para votar por Vilagarcía na campaña “Actitud Azul” posta en marcha pola Liga Endesa de baloncesto e a ACB e mediante a cal o Concello pode gañar unha cancha profesional de baloncesto con peche e iluminación para uso público. Para iso instalouse en Ravella unha carpa informativa e unha terminal de ordenador para que as persoas votaran por Vilagarcía a través de internet.


Colaboraron Gadisa, Pirotecnia Penide, Nydia, Zona Aberta, A Trincadeira.


Alternativamente a esta celebración, un grupo de Arousans bañase na praia sobre as duas da tarde para celebrar o cambio de ano. Este xesto de valentia (ou toleria) de sumergirse nas frias augas da ría levase a cabo desde o ano 2000. ¿atrevedesvos para a próxima?
 
Top