Compartir:
0
"AS DO PEIXE" CONTAN NO AUDITORIO AS HISTORIAS COTIÁS DE CATRO TRABALLADORAS DA CONSERVA

Cándido Pazó baseouse en experiencias reais de operarias de conserveiras para crear un texto en clave cómico que representa Abrapalabra Creacións Escénicas

Vilagarcía, 20 de febreiro de 2014.- Catro mulleres traballadoras dunha conserveira son as protagonistas de "As do peixe", a obra de teatro que a compañía Abrapalabra representa mañá venres, no Auditorio a partir das 21:00 horas. Trátase dun texto cómico escrito por Candido Pazó baseándose nas experiencias reais de varias mulleres do Morrazo. Unha obra costumista, de actualidade e moi próxima coa que calquera se pode sentir facilmente identificado.

As actrices Susana Dans, Mónica Camaño, Casilda Alfaro e Rocío González dan vida a Conchi, Begoña, Lisa y Tere, catro mulleres que se reúnen periódicamente nun espazo público dedicado á memoria das conserveiras. Alí tratan de lembrar o seu pasado laboral e o e tantas mulleres que, despois de que a fábrica de conservas máis importante da villa pechase, despois de moitas loitas e desenganos, véronse sen trabello e sen posibilidades reais de volver a recuperalo. A súa historia, e a de moitas outras mulleres das vilas mariñeiras que quedaron sen trabajo, amuesan unha realidade: o derrumbe dunha economía e de un xeito de vivir.

"As do peixe" chega a Vilagarcía a través da programación da Rede Galega de Teatros e Auditorios en colaboración coa Agadic e a Concellería de Cultura.

As entradas se véndense a 8 y 5 euros por servinova e en taquilla o día da función.


LISTA DE DISTRIBUCIÓN: http://www.vilagarcia.es/gabinete

Publicar un comentario Disqus

 
Top