Compartir:
0

A NOVA ZONA INFANTIL DE XOGOS DO MIGUEL HERNÁNDEZ ÁBRESE AO PÚBLICO

O Concello recibe esta tarde a obra do parque no que instalou caucho sintético e se colocaron novos bambáns

Unha estrutura en forma de castelo de grandes dimensión preside a zona de xogos

Os nenos e nenas de Vilagarcía e os que nos visiten durante estes días de festa e a fin de semana poderán estrear a nova zona infantil do Parque Miguel Hernández. A zona de xogos para os nenos de maio idade abrirase ao público mañá pola mañá, dado que esta mesma tarde está prevista a firma da acta de recepción da obra. Os traballos realizados polo Concello para mellorar a dotación deste parque infantil consistiron na instalación de firme de caucho e na completa renovación dos bambáns e estruturas de xogo.

Unha grande estrutura en forma de castelo preside o novo parque infantil. O castelo conta con tuneis, escadas, cubículos, tubos e tobogáns ademais doutros elementos cos que os nenos e nenas poderán divertirse á vez que mellorar a súa mobilidade, axilidade e psicomotricidade. O solo de caucho sintético protexe aos cativos de posibles caídas ao tratarse dun elemento brando que amortigua os golpes e aporta maior comodidade e limpeza para camiñar xa que non levanta pó.

O presuposto da actuación levada a cabo nas áreas infantís do Miguel Hernández ascende a 70.000 euros e a superficie a actuar acada os 870 metros cadrados que suman as dúas zonas infantís e nas que se instala pavimento de caucho de 50 milímetros de grosor. Nestes momentos estase a acometer a mesma actuación na segunda zona de xogos do Miguel Hernández, a dos bebés. Os traballos demoráronse máis do previsto nesta área debido a que as choivas impiden rematar a colocación do corcho ata que a superficie estea completamente seca e adherida, para continuar instalación e ancoraxe dos xogos dos que xa dispoñía xa que se tiñan renovado fai pouco tempo.As obras acométense con cargo ao Plan do Investimentos da Deputación

Plan para os parques infantís do municipio

O de Miguel Hernández é o cuarto parque infantil do municipio que se dota de caucho sintético despois do do Parque Dona Concha de Vilaxoán, o da Alameda de Carril e o da Xunqueira. A seguinte zona infantil en beneficiarse do Plan de instalación de caucho nos parques infantís do municipio que está a desenvolver o Concello será o segundo recinto do Parque da Xunqueira.


Publicar un comentario Disqus

 
Top