Compartir:
0

VECIÑOS E VISITANTES XA PODEN DISFRUTAR DUN REMOZADO MERENDEIRO EN COUSO TRAS UNHA ACTUACIÓN MUNICIPAL DE ACONDICIONAMENTO 

RESTITUÍRONSE BANCOS E MESAS DE PEDRA EN MAL ESTADO, CREOUSE UNHA ÁREA INFANTIL, ARRANXÁRSE AS BARBACOAS E PLANTÁRONSE ÁRBORES AUTÓCTONAS

Santa Uxía de Riveira, 23 de setembro de 2014.- O Concello de Riveira vén de realizar en Couso unha actuación dirixida a mellorar os equipamentos e instalacións dispostas na súa zona recreativa e propiciar a súa integración no envexable medio natural no que se sitúan, de gran valor tanto ecolóxico como paisaxístico e moi frecuentada por veciños e visitantes.

A iniciativa foi executada pola empresa Jenaro Cadaval e comportou un investimento de 50.699 euros. Está subvencionada pola Consellería de Medio Ambiente, Territorio e Infraestruturas da
Xunta de Galicia e cofinanciada con fondos Feader.

Unha das accións realizadas no marco do proxecto foi a plantación de novas especies autóctonas, dado que os temporais do pasado inverno derribaron algúns piñeiros localizados nesta zona que era
aconsellable restituír con nova masa arbórea. Ademais, substituíronse os bancos e mesas de pedra en mal estado que había no merendeiro por outros novos e restauráronse con pedra as cubertas das barbacoas.

Tamén se colocou unha torre de xogos infantil de nova creación, con columpios, tobogáns e outros elementos ideados para o disfrute dos pequenos.

Paneis interpretativos

A modo de complemento, nos próximos días instalaranse paneis interpretativos que fagan referencia, por un lado, ao patrimonio etnográfico e á arquitectura civil e, por outro, ao patrimonio natural e rutas de sendeirismo que descorren polo entorno.

Subscríbete a Arousa TV por Email

Publicar un comentario Disqus

 
Top