Compartir:
0

LA BELLA DURMIENTE, RUSSIAN CLASSICAL BALLET (3dic)

Miércoles 20h, ballet en el Auditorio

Precio  ZonaC 15€,  ZonaB 18€, ZonaA 20€.

Duración 140 minutos con descanso de 20 minutos

A danza e a mellor música clásica regresan o mércores ao Auditorio coa representación de A Bela Durminte, un ballet con música de Tchaikovsky a cargo da prestixiosa e laureada compañía Russian Classical Ballet. A agrupación conta con varios dos mellores bailaríns rusos dos últimos anos e a posta en escena destaca por un extremo coidado e pola calidade técnica das interpretacións. As entradas custan 20, 18 e 15 euros e a dous días da representación, xa se vendeu máis da metade do aforo.

As localidades pódense adquirir de xeito anticipado a través da web wwww.servinova.com e do teléfono 902 504 500 (en ámbolos dous casos, máis gastos de xestión). Tamén se porán á venta o día da función, na billeteira do Auditorio, a partir das 18:00 horas. O espectáculo comeza ás 20:00 horas e ten unha duración de 140 minutos.

A Bela Durminte é unha das máis fermosas producións do repertorio clásico. Ao atractivo de contar coa música do gran Tchaikovsky, o espectáculo que se porá en escena o mércores no Auditorio conta co aliciente de que será representado por un esplendoroso elenco de estrelas da danza internacional que dan corpo á compañía que lidera Evgeniva Bespalova (no personaxe de Aurora) e Denis Karakashev (no personaxe do príncipe Désiré). Os bailaríns do Russian Classical Ballet graduáronse nas escolas de danza de maior prestixio como as de Moscú, San Petersburgo, Novosibirsk e Perm e nel bailan algúns dos máis prestixiosos teatros de danza do mundo, como o Mariinsky Theatre-Kirov, Ou o Kremlin Ballet Theatre entre outros. Todos os bailaríns destacan pola esmerada técnica, a súa inusitada destreza e unha expresividade dramática única.

A promotora da actuación é Classis Stage, unha firma especializada no traballo con prestixiosos compañías de danza e ópera formadas por reputados e laureados artistas internacionais. O seu obxectivo é representar as máis producións máis fermosas do repertorio clásico e levalos polos mellores escenarios de Rusia, España e Portugal. A actuación do mércores forma parte da xira española da compañía e o espectáculo só se poderá presenciar en moi contados auditorios de Galicia.

Baseado no conto popular de Charles Perrault, "La Belle au bois Dormant", esta coreografía destaca polos seus elevados niveis de romanticismo e lirismo que representan todo un reto interpretativo para os bailaríns. Bailado por todos os ballets do mundo, a música de "A Bela Durminte" é unha das obras máis recoñecidas e ilustres do compositor ruso, con melodías eternas como "Rosa Adagio" e "Grande Valse Villageorise". A relación da música de Tchaikovsky coa coreografía de Marius Petipa é tan perfecta que resultaría difícil imaxinar outra lectura desta partitura.

Os vilagarciáns terán a oportunidade de gozar desta emblemática obra da danza clásica a través dun dos corpos de baile máis recoñecidos do panorama internacional.
Subscríbete a Arousa TV por Email

Publicar un comentario Disqus

 
Top