Compartir:
0

O ASFALTADO DAS RÚAS DO CENTRO SUSPÉNDESE ATA DESPOIS DO NADAL PARA NON INTERFERIR NA CAMPAÑA COMERCIAL

O comezo dos traballos demorouse máis do previsto debido as chuvias que impediron cumprir os prazos inicialmente previstos

O plan de Asfaltados das rúas do centro urbano que está a levar a cabo o Concello suspenderase ao remate da xornada de mañá venres e os traballos retomaranse despois do Nadal. A decisión responde ao compromiso adquirido no seu día pola concelleira de Obras, Ana Granja, cons comerciantes e hostaleiros da cidade, a efectos de que os traballos non interfiran na campaña comercial de Nadal. Os asfaltados xa debería estar rematados, de non ser pola demora sufrida no seu inicio debido ás chuvias rexistradas durante o mes de novembro.

Frustrados os plans de iniciar os asfaltados a principios de novembro debido ás xornadas de chuvia, o Concello tivo que esperar ata o día 17, cando as precipitacións cesaron, para poder comezar a traballar. Para aproveitar a tregua climatolóxica modificouse levemente o planing previsto, comezando os traballos polas rúas da periferia e as menos transitadas, dada a premura da actuación e para causar os menores inconvenientes ao tráfico. Empezouse pola Rúa Magonolio, en Trabanca Badiña, e proseguise pola Avenida de Matosinhos. En vista de que o tempo seguía a ser seco, os plans continuaron na orde na que estaban prevista dende San Roque cara o centro da cidade tal e como se lles comunicara en outubro a comerciantes e hostaleiros.

Entre hoxe e mañá está previsto rematar a contorna da Praza de Galicia, Conde Vallellano e Arcebispo Lago, sempre que o tempo o permita. En calquera caso, ao remate da xornada de mañá, venres, 5 de decembro, suspenderanse as obras que se retomarán en xaneiro, seguindo a orde que se comentara, unha vez rematada as festas de Nadal e a actividade comercial que se desenvolve durante estas datas.

Case 300.000 euros de investimento

O Concello decidiu destinar unha importante partida do Plan de Investimentos Municipais de 2014 ao necesario Plan de Mellora do Firme da rede viaria urbana. O proxecto foi adxudicado a Covsa por importe de 272.632 euros e implementouse con varias melloras ofertadas pola propia empresa. Á primeira é que ás rúas e tramos sinalados no documento sumarase o asfaltado doutros 5.500 metros cadrados que asume a firma, o que permitirá acondicionar o firme doutros tramos urbanos e redundará en beneficio dos cidadáns sen custe engadido para as arcas municipais.
Suscríbete a Arousa TV por correo

Publicar un comentario Disqus

 
Top