UN BERRO A IGUALDADE, DOMINGO NO AUDITORIO
A ESCOLA DE MÚSICA E NYDIA ABORDAN EN CLAVE DE MUSICAL O COMPORTAMENTO E PROBLEMÁTICAS DA XUVENTUDE ACTUAL
O espectáculo conta con 58 persoas en escena en el haberá música en directo, diálogos, cancións e coreografías protagonizado
"Un berro a Igualdade" represéntase o domingo, 4 de maio, a partir das 18:30 horas no Auditorio. As entradas véndense a 4,3 e 2 euros.
Os profesores da Escola Municipal de Música de Vilagarcía e o centro de animación sociocultural Nydia presentan o domingo, 4 de maio, no Auditorio un musical destinado especialmente ao público xuvenil e adolescente. O espectáculo leva por título "Un berro á Igualdade" en el abórdanse en clave de musical o día a día duns mozos e mozas correntes en situacións totalmente cotiás coas que calquera se pode identificar. 58 persoas subirán ao escenario para poñer en escena este novo traballo de produción local."UN berro á igualdade" é o último musical deseñado pola Escola Municipal de Música despois de "O Gato con Botas, no que xa participou Nydia, e O Musical de Ana. A parte musical do espectáculo corresponde a 8 dos profesores do centro bernardo del Río que serán os que interpretarán en directo as obras, varias das cales foron compostas especialmente para este evento.
Pola súa banda, Nydia aporta ós actores protagonista, que interpretan, cantan e bailan e tamén ao grupo de baile que acompaña os principias números coreográficos.
"Un berro á Igualdade" pretende, de xeito ameno amosar comportamentos ou formas de actuar que teñen os mozos e mozas dos nosos días e que, pese a ser compartidas pola maioría e aparentemente ser inofensivas, poden incidir negativamente nas súas relacións. O abuso do móbil, o non saber comunicarse cos outros se non é por whatsapp, o rexeitar aos que son algo diferentes a eles ou con comparten os seus gustos ou afeccións, a falta de respecto e de autoestima…;son algúns dos aspectos que se tocan no nun musical facer reflexionar e promover os valores positivos.
As entradas para asistir a este musical custan 4, 3 e 2 euros e pódense adquirir xa nos locais de Nydia (López Ballesteros 5, Baixo) en horario de 10 a 12:30 e de 17 a 19 horas. Tamén o domingo no Auditorio a partir das 16:30 horas.