0

18h sábado en O Faiado da Memoria, Ravella 27, Vilagarcía. Entrada libre.


O 16 de febreiro temos unha cita para reflexionar, debater e quitarlle a máscara ao patriarcado que a miúdo tenta disfrazarse de romanticismo. Ide anotando na axenda! Quen ben vos quere non vos fará chorar.


COMUNICADO DE PRENSA 

Esquerda Unida organiza un encontro para desmontar os mitos do amor romántico 


Na semana de San Valentín, a formación quere contrubuír a deconstruír os roles tradicionais e a identificar condutas machistas disfrazadas de romanticismo 


A coordinadora da Área LGTBI de Izquierda Unida e senadora de En Marea, a vilagarciana Vanessa Angustia, será a encargada de dirixir o acto


Vilagarcía de Arousa, 13 de febreiro de 2019. - O grupo municipal de Esquerda Unida convida a participar no encontro “Desmontando o amor romántico”. Unha cita para o debate e a reflexión que se celebrará o sábado a partir das 18 horas no local do Faiado da Memoria; e coa que a formación quere contribuír a deconstruír os roles tradicionais que a miúdo agochan formas de dominación no ámbito da parella. A coordinadora da Área LGTBI de Izquierda Unida e senadora de En Marea, Vanessa Angustia, será a encargada de dirixir unha sesión pensada para mover conciencias e contribuír á construcción de relacións e formas de afectividade igualitarias, sas e libres de violencia. 

O amor romántico susténtase nunha serie de mitos que poden dar lugar a situacións nada desexables
dentro das relacións afectivas. Resulta imposible entender o amor romántico sen entender o patriarcado, que establece un sistema de dominación sexual que non é outra cousa que unha estratexia pensada para relegar ás mulleres a un papel pasivo e subordinado ao home, e que as encorseta nun rol restritivo estreitamente ligado ao ámbito do fogar e dos coidados. 

Non é estrano que condutas de dominación como os ciumes se identifiquen como unha manifestación de amor. Expresións como “o amor todo o pode” ou a idea de media laranxa, así como a crenza de que se trata de algo predestinado, supoñen unha perigosa ferramenta de control que pode chegar a servir de xustificación a situacións de maltrato. 

Os modelos de relación romántica baseados na exclusividade, a posesión e a entrega total supoñen, na
práctica, a imposición de fortes limitacións e mesmo a negación do desexo. Pero tamén a normalización dun modelo baseado na heteronormatividade que deixa fóra a boa parte da poboación, que non se axusta a unha opción sexual que o patriarcado establece como o patrón da normalidade e que, en última instancia, dá lugar a sentimentos de culpabilidade ou problemas de autoestima. Reflexionar sobre todos eses aspectos e potenciar a liberdade, a independencia e a construción de relacións libres de calquera forma machismo será o obxectivo da sesión que Esquerda Unida impulsa na semana de San Valentín, efeméride vinculada ao amor romántico por excelencia.
Área Comunicación
Esquerda Unida Vilagarcía
www.euvilagarcia.org


Suscríbete a Arousa TV por correo

Publicar un comentario

 
Top