O POSTO DE MANDO VELARÁ POLA SEGURIDADE NA FESTA DA AUGA DENDE UN EDIFICIO DA PRAZA DE GALICIA
Os mandos de Policía Local e Nacional e do servizo Municipal de Emerxencias e Protección Civil coordinarán dende alí o dispositivoDisporán de 15 equipos de comunicación dixital e vía satélite
140 persoas participan no operativo que comezará xa á noitiña do día 15 de agosto
Socorristas identificados con petos infiltraranse entre a multitude para atender "in situ" pequenas incidencias sanitarias
Ademais dos medios do 061, Protección Civil aporta outras dúas ambulancias medicalizadas
Para garantir o goce de tódolos asistentes, prégase que respecte o traslado do Santo e á Zona Húmida e que se segan os consellos facilitados pola organización
Dúas plataformas de lanzamento e 3 camións cisternas aseguran que non faltará auga
Vilagarcía de Arousa, 14 de agosto de 2014. - A coincidencia da festividade de San Roque en sábado fai prever unha afluencia de xente á Festa da Auga superior á das últimos anos, de aí que o Concello teña organizado un dispositivo de seguridade máis amplo e no que participan Policía Local, Policía Nacional e Servizo Municipal de Emerxencias e Protección Civil. Un total de 140 persoas tomarán parte do operativo especial que se iniciará na noite do venres 15 e non se dará por pechado ata a tarde do sábado 16. Para velar pola seguridade dos participantes na Festa, este ano como novidade instalarse o Posto de Mando nun edifico da Praza de Galicia para contar cunha vista privilexiada do epicentro da celebración.
O dispositivo organizouse e coordinouse nas últimas semanas en dúas reunións nas que participaron os responsables dos dous corpos policiais, do Servizo Municipal de Emerxencias, da Axencia Galega de Emerxencias e o concelleiro de Seguridade. Por parte do Concello intervirán no operativo 42 persoas (12 axentes da Policía Local e 30 efectivos de Emerxencias e voluntarios de Protección Civil). A estes haberá sumar os case 100 efectivos que desprazará o Corpo Nacional da Policía que en previsión da xente que virá á festa desprazará dende outras localidades 16 Unidades de Intervención.
O dispositivo de seguridade ten dúas fases. A primeira comezará na noite do día 15. Para estas labores contarase coa colaboración e medios sanitarios do 061 que se reforzarán con dúas ambulancias de soporte vital básico do servizo de Emerxencias do Concello, que estarán dispoñibles durante toda a madrugada e a mañá do día de San Roque. Emerxencias tamén reforza os medios humanos da quenda de noite con 2 persoas máis das habituais ás que se sumarán 4 voluntarios.
As 16 Unidades de Intervención Policial xa estarán operativas tamén dende a noite do 15 de agosto.
A segunda fase do operativo comezará sobre as 10 da mañá coa constitución do Posto de Mando nun piso con vistas á Praza de Galicia. Nel coordinarán as intervencións precisas os mandos dos dous corpos policiais e de Emerxencias, labor que se verá facilitada ao dispor de contacto visual privilexiado do epicentro da Festa da Auga.
Para evitar problemas de comunicación nunha xornada na que as liñas móbiles satúranse, Emerxencias e Policía Local contarán cos 15 equipos de comunicación dixital e por satélite facilitados pola Axencia Galega de Emerxencias para garantir o contacto entre o posto de mando e os efectivos nas rúas.
En previsión de posibles emerxencias, as dúas ambulancias de Protección civil instalarse na zona de San Roque e en Arapiles mentres se procede ao traslado do santo dende a igrexa ata a capela. Unha vez lido o pregón e lanzado o primeiro caldeirazo co que se abre a festa da Auga, as ambulancias trasladaranse ás inmediacións da Comisaría e á Rúa Arcebispo Lago, co obxecto de estar preto da zona húmida.
Lanzadeiras e mangueiras
A outra parte do dispositivo da Festa da Auga é a que se encarga de garantir que a xente goce ao máximo da celebración e para elo hai que asegurar que non falte o líquido elemento para mollar a todo o mundo dentro da Zona Húmida. Para o lanzamento de auga instalaranse dúas plataformas, unha na Rúa Cobián (diante de Costureiro) e outra na esquina de Rey Daviña con Ramón e Cajal. Ademas, o servizo de Emerxencias disporá 3 camións cisterna dende os que apuntar coas mangueiras aos participantes nas festas. Unha emprazaranse na Praza de Galicia e as outras dúas en ambos extremos de Conde Vallellano.
Consello da Comisión Organizadora
Por outro lado, o Concello fai un chamamento a todas as persoas que vaiana participar na festa da Auga a que segan os consellos da comisión organizadora para previr accidentes e garantir a diversión normal desenvolvemento da festas. Estes consellos pódense consultar nos taboleiros informativos distribuídos polo centro da cidade e na parte final dos programa de festas, incluído a súa versión dixital colgada na web municipal.
Respecto de horario e Zonas Húmidas
Tamén se lembra que a Festa da Auga limítase ás rúas incluídas na Zona Humida e que a celebración comeza despois da entrada do santo á capela de San Roque. Prégase que se respecte a subida do Santo e non se bote auga ata que se dea inaugura a festa coa lectura do pregón dende a capela e anímase aos veciños das zonas húmidas a que colaboren na festa botando auga dende as súas fiestras ou balcóns.
recibe la agenda de cada día en tu correo