Travesía a Nado de Vilaxoán

A TRAVESÍA A NADO DE VILAXOÁN ASPIRA A REPETIR O SÁBADO O ÉXITO DE PARTICIPACIÓN DA SEMANA PASADA EN VILAGARCÍA

Mira o evento na Guía de Vilagarcía


A día de hoxe xa había rexistradas 130 inscricións para a proba que sairá da Praia do Preguntoiro

Poderán tomar parte nadadores federados e non federados de calquera idade

Establécese un percorrido curto de 1.000 metros e outro longo de 2.600 en función das idades dos participantes

A Travesía a Nado ao Porto de Vilaxoán que se celebra o sábado, 23 de agosto, aspira a repetir o éxito de participación rexistrado o domingo pasado na proba de Vilagarcía na que tomaron parte un total de 236 nadadores. Para a proba de Vilaxoán, a día de hoxe xa estaban inscritas 130 persoas, cifra que espera que aumente ata mañá a mediodía e cos nadadores que se apunten o mesmo día da proba.

A deste ano será a 51 edición da Travesía a Nado ao Porto de Vilaxoán. A organización desta tradicional proba corre a man do Club Natación de Vilagarcía, a Fundación de Deportes do Concello e a Asociación Marítima e Cultural Vilaxoán. A proba inclúese no Circuíto Galego de longa distancia en augas abertas, rexéndose polas normas da Federación Galega de Natación e polo propio regulamento da travesía.

Trátase dunha proba de carácter popular na que poderán participar deportistas afeccionados ou federados de calquera idade. Establécese un percorrido curto de 1.000 metros de lonxitude e outro longo, de 2.600, en función das idades dos nadadores.
As categorías A, B, C, e D, para participa tes de ambos sexos nados a partir do ano 2002 e posteriores, realizarán o percorrido curto, mentres que as categorías da E á I recollerá aos nadadores do resto de idades que farán o percorrido longo.


Prazo para anotarse

A saída dos nadadores realizarase dende a Praia do Preguntoiro, mentres que a meta establécese na rampla do Intecmar, no peirao de Vilaxoán. Os participantes deberán concentrarse no peirao de Vilaxoán ás 10:30 horas a efectos de presentar a documentación e a obtención do número de participante. Aínda que a vía de inscrición é a través do correo electrónico fatiman@vilagarcia.es e ata o venres, 22 de agosto ás 13:00 horas, de xeito excepcional admitirase a anotación de nadadores o mesmo día da travesía ata unha hora antes do inicio da proba. É dicir, ata as 10:30 horas, xa que a saída da travesía está prevista para as 11:30 horas.

Para poder tomar parte na proba, os nadadores menores de 18 anos deberán presentar unha autorización firmada polos pais ou titores legais.

A proba estará controlada polo Comité galego de árbitros da FEGAN e a organización entregará trofeos aos primeiros clasificados en cada categoría e sexo.

Publicar un comentario

[blogger]

MKRdezign

Formulario de contacto

Nombre

Correo electrónico *

Mensaje *

Con la tecnología de Blogger.
Javascript DisablePlease Enable Javascript To See All Widget