Herba artificial nas pistas de tenis de Fontecarmoa

O CONCELLO INSTALARÁ HERBA ARTIFICIAL DE ALTA CALIDADE NAS TRES PISTAS
CENTRAIS DE TENIS DE FONTECARMOA

O proxecto presupostado en 60.275 euros financiarase a través do Plan de Investimentos de 2014

O pavimento actual está deteriorado como consecuencia do desgaste producido polo uso e a situación dificulta a práctica do deporte da raqueta

Vilagarcía de Arousa, 30 de setembro de 2014.- Dentro das actuacións de mellora da instalacións deportivas municipais que está a levar a cabo o Concello, as pistas de tenis do Complexo Multideportivo de Fontecarmoa serán obxecto dunha necesaria reforma. Nos vindeiros meses e con cargo ao Plan de Investimentos dos Orzamentos Municipais de 2014, executarase o cambio do céspede artificial das tres canchas centrais. A actuación está presupostada en 60.275 euros e o proxecto, que xa foi aprobado pola Xunta Local de Goberno, inicia agora os trámites previos para a súa licitación.

A substitución do tapiz de tres das catro tres pistas de tenis de Fontecarmoa vén xustificada polo deterioro que sofre o pavimento actual como consecuencia do desgaste provocado polo normal uso das mesmas. Este desgaste provoca molestias e impide a práctica deportiva nas condicións idóneas.

O proxecto prevé a retirada do céspede artificial existente e a súa retirada a un vertedoiro autorizado. A continuación procederase a limpeza da soleira de formigón con sistema de auga a presión e, si fora necesario, con resina de poliuretano. Unha vez preparado a zona de asento, colocarase o novo céspede, composto por fibras artificiais de polipropileno de 12 milímetros indicadas para pistas de alta calidade, rendemento e durabilidade. Para a correcta instalación, calcúlase un aporte de area de entre 15 e 16 quilos por metro cadrado. A actuación rematarse co pintado das liñas e marcas das canchas de tenis tanto para o xogo de individuais como de dobres.

Unha vez licitado o proxecto e adxudicada a obra, a empresa disporá dun prazo de dous meses para executar os traballos.