Pista de skate park no Centenario

O CONCELLO INSTALARÁ UNHA PISTA DE SKATE PARK NO CENTENARIO E ACONDICIONARÁ AS ZONAS DEPORTIVAS DO PARQUE DO CAVADELO

Trátase dunha actuación de mellora das infraestruturas deportivas dos parques públicos
Destínanse case 100.000 euros do Plan de Investimentos de 2014

Vilagarcía de Arousa, 1 de outubro de 2014.- O Concello levará a cabo nos vindeiros meses unha actuación de mellora das infraestruturas deportivas dos parques públicos e zonas de esparexemento. Ademais da actuación prevista no proxecto de reforma do arque da Xunqueira, que inclúe a adecuación das canchas de baloncesto, tamén está previsto o acondicionamento das do parque do Cavadelo e a creación dunha pista de skate park no do Centenario. A actuación precisa dun investimento de 97.915,39 euros a financiar a través do Plan Municipal de Investimentos de 2014.

A actuación no Cavadelo motívase nas deficiencias e desgaste que sofren as zonas deportivas como consecuencia do uso e da falta de mantemento e conservación. Os traballos consistirán na reparación da varanda perimetral, da estrutura metálica que conforma a marquesiña, das estruturas para a práctica de skate, das canastras de baloncesto e das porterías de hockey. Tamén se fará un lavado a presión do pavimento de adoquín, o pintado e arranxo das pistas deportivas. Repararanse as gradas e pintaranse os muros perimetrais, ademais de lavar e realizar labores de mantemento dos bancos de pedra.

Recuperar unha zona en desuso e cumprimento dun compromiso

As obras que se levarán a cabo no parque do Centenario perseguen dous obxectivos. Por unha banda recuperar a zona degradada e en desuso da pista deportiva e, pola outra, cumprir un compromiso adquirido polo alcalde ante un colectivo de mozos. Os traballos proxectados céntrase na pista de formigón actualmente, concibida inicialmente como pista de patinaxe e reconvertida anos despois nun circuíto para coches de radiocontrol. Dado que na actualidade esta zona carece totalmente de uso e o seu estado é deficitario, co obxectivo de atender unha demanda realizada por un colectivo de xóvenes que practican skate, a actuación consistirá na construción dunha nova pista de skate park a base de ramplas semi excavadas no terreo.

Para a construción desta pista haberá que levantar a capa de formigón actual para acadar as cotas necesarias para o deseño das ramplas. Instalaranse unha rexa micro perforada para a evacuación das augas pluviais que puideran acumularse no centro do vaso, para o cal se acometerán un pozo de rexistro.

Posteriormente realizarase una soleira de formigón de 12 centímetros de groso rematada en superficie con pavimento monolítico de cuarzo gris, incorporando unha capa de rodadura mediante esporeado á que se lle dará o correcto tratamento de acordo coa finalidade deportiva para a que se concibe. A construción do skate park a acometerá persoal especializado neste tipo de instalacións.

O proxecto para estas dúas obras foi aprobado na última Xunta Local de Goberno, polo que o Servizo de Contratación xa está traballando nos trámites necesarios para poder sacalas a licitación. O prazo de execución dos traballos, unha vez se adxudiquen as obras, será de 3 meses.

Publicar un comentario

[blogger]

MKRdezign

Formulario de contacto

Nombre

Correo electrónico *

Mensaje *

Con la tecnología de Blogger.
Javascript DisablePlease Enable Javascript To See All Widget