LUDOTECA ENTROIDO (16-18feb)

Lunes a miércoles 9:00h a 14:00h , en Auditorio de Vilagarcía. 

Gratuito. 30 plazas de 3 a 7 años. Inscripción previa del 3 al 11 de febrero en la Concelleria de Xuventude

Obradoiros artístico-creativos. Manualidades. Xogos guiados. Xogos libres.

Xuventude organiza unha ludoteca de Entroido para nenos de 3 a 7 anos

Desenvolverase durante as mañás dos días 16, 17 e18 de febreiro no Auditorio e disporá de 30 prazas

A actividade é de balde e o prazo de inscrición ábrese o martes, 3 de febreiro

Farán disfraces e máscaras con material de refugallo, aprenderán a cociñar filloas e realizarán actividades e manualidades relacionadas co mundo do circo

Co gaio das vacacións escolares de Carnaval, a Concellería de Xuventude volve a poñer en marcha unha iniciativa socio educativa e de conciliación dirixida a nenos e nenas de 3 a 7 anos de idade. Trátase dun campamento urbano de Entroido que se desenvolverá durante as mañás dos días 16, 17 e 18 de febreiro e para a que se ofertan 30 prazas. A participación é de balde e o prazo de inscrición vai do 3 ao 11 de febreiro.

O departamento que dirixe Sandra García segue a súa liña de traballo en relación á oferta de actividades de lúdicas e de apoio á infancia e as súas familias. Para ocupar o tempo libre nas vacacións de Entroido que se aveciñan, Xuventude pon en marcha esta nova ludoteca na que os cativos, durante tres días, poderán aprender e divertirse realizando una ampla programación de actividades e obradoiros artístico creativos, manualidades, xogos guiados e libres.

O campamento de Entroido celebrarase nos seminarios do Auditorio en horario de 9 a 14 horas os tres días. E as actividades a realizar xirarán en torno á temática do circo e do entroido. Para elo faranse obradoiros de máscaras e disfraces con material de refugallo, obradoiro de maquillaxe de fantasía, teatro, contacontos e ata aprenderán a facer filloas no obradoiro de cociña. Tamén haberá xogos pre deportivos e xincanas.

As familias interesadas deben tramitar a inscrición nos seus fillos entre o 3 e o 11 de febreiro cubrindo o formulario que poden imprimir do taboleiro de anuncios da web municipal e presentándoo no rexistro Xeral do Concello de luns a venres en horario de 8.30 a 14.30 horas ou de 17 a 20 horas. Tamén poderán facelo os sábados de 10 a 13 horas.

As prazas cubriranse por rigorosa orde de inscrición entre os solicitantes que cumpran os requisitos fixados nas bases do servizo, que tamén se poden consular no taboleiro de anuncios da web. A lista de admitidos publicarase o día 13 de febreiro e haberá unha lista de agarda para cubrir as posibles baixas.

(12/02/2015) TRINTA E TRES CATIVOS PARTICIPARÁN NO CAMPAMENTO URBANO DE ENTROIDO ORGANIZADA POR XUVENTUDE

A lista de admitidos pódese consultar na web municipal
As actividades desenvolveranse de luns a mércores no Auditorio

O Campamento Urbano de Entroido organizada pola Concellería de Xuventude co gaio das vacacións escolares da vindeira semana contará con 33 nenos e nenas de idades comprendidas entre os 3 e os 7 anos de idade. Aínda que o número de prazas ofertadas inicialmente era de 30, dado que o número de solicitudes ascendía a 33, o departamento que dirixe Sandra García decidiu dar cabida a todos os cativos. A lista de admitidos pode consultarse no taboleiro de anuncios da web municipal www.vilagarcia.es

O Campamento Urbano de Entroido organízase como unha iniciativa socio educativa e de conciliación de apoio á infancia e as súas familias. Para ocupar o tempo libre nas vacacións de Entroido que se aveciñan, Xuventude pon en marcha esta nova ludoteca na que os cativos, durante tres días, poderán aprender e divertirse realizando una ampla programación de actividades e obradoiros artístico creativos, manualidades, xogos guiados e libres. O programa xirará en torno á temática do circo e do entroido. Para elo faranse obradoiros de máscaras e disfraces con material de refugallo, obradoiro de maquillaxe de fantasía, teatro, contacontos e ata aprenderán a facer filloas no obradoiro de cociña. Tamén haberá xogos pre deportivos e xincanas.
A ludoteca desenvolverase durante as mañás dos días 16, 17 e 18 de febreiro no Auditorio Municipal en horario de de 9 a 14 horas.
 
Top