VII MARATÓN FOTOGRÁFICA POLA IGUALDADE DE XÉNERO NO MUNDO LABORAL
Sábado 7 de marzo, 10:00h, explanada do Auditorio Municipal
A MARATÓN FOTOGRÁFICA DO DÍA DA MULLER CAPTA O INTERESE DE AFECCIONADOS DE TRES PROVINCIASA participante máis nova ten 12 anos e o de maior idade, 66.
5 de marzo de 2015.- A Maratón Fotográfica coa que Vilagarcía conmemora o 8M, Día Internacional da Muller Traballadora, segue captando o interese dos afeccionados máis alá das fronteiras do Salnés. Das 29 inscricións para proba que se desenvolve o sábado, atópanse persoas procedentes de Vilagarcía e Cambados, pero tamén de Santiago, Ourense, Vigo, Pontevedra, Moaña, Marín ou Cangas. O certame interesa tamén a xente de tódalas idades, xa que o abano de idades desta edición vai dos 12 aos 66 anos.
Vilagarcía é a cidade que aporta maior número de participantes, con 19, pero a variedade de procedencias é moita, como xa se viña detectando nas anteriores edicións da Maratón pola Igualdade de xénero no mundo laboral. O CIM (Centro de Información á Muller, do Concello, pechou o luns a inscrición, polo que os datos xa son definitivos.
É de salientar a participación de xente moi nova, xa que o obxectivo final dos actos organizados pola Área de Igualdade é acabar con estereotipos, previr situacións de desigualdade ou sexistas en todos os eidos da vida e acabar coa violencia de xénero, e para iso e esencial traballar e sensibilizar á poboación máis nova, de cara a sentar as bases para un futuro mellor. Para participar na Maratón, os menores de idade deberon aportar a autorización paternal.
A Maratón Fotográfica celébrase durante a xornada do sábado 7 de marzo. Comezará ás 10 da mañá na explanada do Auditorio Municipal. A proba desenvolverase do mesmo xeito que os anos anteriores. Os participantes deberán ilustrar coas súas fotografías os temas que se lles darán a coñecer na liña de saída no Auditorio e nos sucesivos controis. As tres mellores imaxes serán premiadas con 200 euros, segundo o fallo ditado por un xurado multidisciplinar. Con todo o material, o Concello organizará unha exposición na que tamén se darán a coñecer os traballos gañadores.
Inscripción previa 10 de febrero a 2 de marzo
Trátase dun dos actos principais organizados pola Área de Igualdade con motivo da celebración do 8M, Día da Muller TraballadoraAs tres mellores imaxes serán premiadas con 200 euros. Os interesados en participar poden anotarse ata o día 2 de marzo
O Centro de Información á Muller (CIM) convocou á sétima edición da Maratón Fotográfica Pola Igualdade de Xénero no Mundo laboral, un certame que se organiza anualmente no marco dos actos conmemorativos do 8 de Marzo, Día Internacional da Muller Traballadora. A proba terá lugar durante toda a xornada do sábado 7 de Marzo e as tres mellores imaxes serán premiadas con 200 euros. O concurso está aberto para fotógrafos non profesionais e os interesados en participar poderán inscribirse ata o día 2 de marzo. Tanto as bases como o formulario de inscrición poden ser consultados e baixados da web municipal.
O concurso de fotografía desenvolverase do mesmo xeito que os anos anteriores. Os participantes deberán ilustrar coas súas fotografías os temas que se lles darán a coñecer o mesmo día 7 de marzo nos sucesivos controis. Con todo o material, o Concello organizará unha exposición na que tamén se darán a coñecer os traballos gañadores.
Os participantes só poden ser afeccionados, non profesionais da fotografía, de calquera idade, tendo os menores de idade que contar con autorización paterna. A inscrición pode realizarse persoalmente na Área de Igualdade, nos baixos da Casa Consistorial; por correo electrónico ( muller@vilagarcia.es ) ou mesmo por fax (986 512 226).
O xeito de participar será con cámaras dixitais, as fotos entregaranse en arquivo JPEG e tamaño mínimo de 20x30 cm., e resolución de 300 ppp. Ao remate da Maratón se lle entregará a cada participante un soporte dixital onde gardarán as fotos a concurso para o que se lles facilitará o acceso a ordenadores. Logo disto, o soporte será introducido por cada un/unha dos/das participantes nun sobre pechado no que deberá figurar o número de identificación que se lles asignou ao comezo da Maratón.
A saída será ás 10:30 horas do día 7 de marzo na Casa de Cultura de Carril.
Neste intre elixiranse os tres temas obxecto das fotografías, entre varios sobres pechados con distintas propostas e entregaráselles aos participantes o seu número de identificación que deben ter con eles durante toda a proba. O seguinte control será na Casa de Cultura de Vilaxoan ás 13,30. O final será entre as 18:30 e 19:00 horas no auditorio de Vilagarcía.A Maratón Fotográfica foi medrando en participación co paso dos anos. Na pasada edición concursaron 37 persoas de idades de diferentes idades procedentes de Vilagarcía a outros municipios da comarca e de municipios veciños como Santiago, Ames, Moaña ou Vigo.
Suscríbete a Arousa TV por correo
