10h domingo en Vilagarcía. Inscripción previa 


IV Carreira Solidaria Ladesol

A Fundación LADESOL organiza Carreira Solidaria LADESOL “Corro por tu sueño” na localidade de Vilagarcía de Arousa; baixo o control técnico da Federación Galega de Atletismo, a través da súa delegación en Pontevedra. Haberá dúas modalidades distintas, carreira e andaina, para que cada participante escolla a que máis lle conveña.

Poderán participar atletas federados e non federados; haberá unha clasificación conxunta. O control da carreira estará a cargo do Comité de Xuíces da Federación Galega de Atletismo.


LUGAR DE SAÍDA E PERCORRIDO

A saída da andaina será dende o paseo do Porto Deportivo á altura dos mini-cines (Ruta de Sendeirismo do Concello)

A saída de todas as carreiras será dende Avenida da Mariña diante do auditorio.
INSCRICIÓNS: A data límite para inscribirse on-line será o 18 de Abril do 2018
Abrirase unha conta “DORSAL 0” para os que desexen participar e non poidan asistir ó evento.

Tamén será posible realizar un donativo na propia inscrición á carreira. TODO O RECADADO irá parar á Fundación LADESOL das Franciscanas Misioneiras da Nai do Divino Pastor.
RETIRADA DE DORSAIS E CHIPS: A retirada de dorsais realizarase no Colexio San Francisco o sábado 21 de 11.30 a 13.30 e de 18.00 a 20.00 e o mesmo día e lugar da proba dende as 9.00 ata media hora antes da proba.


HORARIOS

10:00: Saída da categoría Sub 10 masculino e feminino. 600m
10:05: Saída da categoría Sub 12  masculino e feminino 875m
10:15: Saída da categoría Sub 14 masculino e feminino. 1.730m
10:25: Saída das categorías Sub 16 e Sub 18 masculino e feminino. 1.730m
10:40: Saída da Andaina 4.500m
10:50: Saída das categorías absolutas masculino e feminino. 10.000m
12:10: Saída da categoría prebenxamín. 150m
12:15: Saída da categoría pitufos. 100m
SERVIZOS: persoal sanitario, ambulancia, duchas, avituallamento,...


PREMIOS

Os premios para a ANDAINA serán os seguintes:
- Premio á máis veterana que participe. (Pedirase acreditación correspondente antes da entregada de premios).
- Premio ó máis veterano que participe. (Pedirase acreditación correspondente antes da entregada de premios).
Os premios para a CARREIRA serán os seguintes:
- Categorías Pitufos, Prebenxamín, Sub 10 medallas para todos os participantes.
- Categorías Sub 12, Sub 14, Sub 16  e Sub 18: Medalla para os tres primeiros clasificados masculinos e femininos.
- Categorías absolutas: Trofeo para os tres primeiros clasificados masculinos e femininos.


22abr
abril 2018 
 
Top