As demandas do Salnés foron recollidas na declaración institucional do Realpe.
As propostas de rehabilitación de vivenda e contra a especulación inmobiliaria das entidades financeiras e a construción dunha verdadeira diversidade social inclúense na Declaración institucional sobre a vivenda social.
A intervención de Enrique Oubiña no día de hoxe en relación a ultradereita e os insultos machistas de Duran a presidenta da deputación fixo que se modificara a declaración institucional sobre o fascismo.
A edil de Gañemos Vilanova, Elena Cores, o edil de Somos Ribadumia, Enrique Oubiña, e o edil de Somos Cambados, Xurxo Charlín, xunto con varios representantes da política municipal de 14 países europeos, e varios parlamentarios europeos do Grupo Confederal da Esquerda Unitaria Europea/ Esquerda Verde Nórdica (GUE/NGL) participaron este venres no Parlamento europeo na segunda xornada e a clausura da Rede Europea de Autoridades Locais Progresistas (Realpe).As intervencións no día de onte dos edís de Cambados e Vilanova de Arousa foron incluídas na Declaración Institucional do Grupo Parlamentario Europeo destas xornadas, na “Declaración por un dereito efectivo a vivenda en toda Europa”, xa que nas deliberacións recolléronse as demandas feitas polo edil, Xurxo Charlín, en relación a necesidade de rehabilitación das vivendas existentes para crear un parque de vivenda pública e de calidade en toda Europa, e por outro lado, a implantación dunha lexislación vinculante contra a especulación financeira e a evasión fiscal, incluíndo os “Fondos Buitres” propietarios destas vivendas.
En relación a proposta da edil de Gañemos Vilanova, Elena Cores, tamén se incluíu no documento final a proposta da construción dunha verdadeira diversidade social para mellorara a calidade de vida das persoas maiores, que están forzadas a vivir soas ao non contar con prazas en centros públicos para o coidado da terceira idade.
O Tenente de Alcalde de Ribadumia, Enrique Oubiña, fixo fincapé na necesidade de tomar medidas políticas que equilibren os salarios baixos e medios coa calidade de vida e o acceso a vivenda digna. En referencia ao Fascismo, na súa intervención final, resaltou a situación comarcal, explicando que sen a presenza nas institucións de partidos políticos recoñecidos de ideoloxía de ultradereita, si existen cargos institucionais que usan tácticas fascistas e machistas, referíndose concretamente o alcalde de Vilanova de Arousa, e os seus ataques tanto as concelleiras da oposición do seu Concello, coma insultos a cargos institucionais en intervencións públicas, como foi o exemplo de chamarlle “Chacha para todo”, a presidenta da Deputación de Pontevedra, mentres mantén ao Concello na ruína económica, contrapoñendo o exemplo de Cambados, onde o cambio a un goberno de esquerdas, supuxo a xestión eficiente dos recursos económicos, e o avance en políticas sociais.
Esta intervención provocou que a presidenta da mesa, a Eurodeputada Marie-Christine Vergiat do Front de Gauche de Francia, pedira a palabra para modificar a declaración institucional do Grupo Parlamentario Europeo, e se incluíra o acordo explícito de apoiar a loita contra o machismo e defensa dos dereitos das mulleres, como parte das medidas de loita contra o fascismo no “Acordo por unha Fronte Europea Antifascista” e que foi aprobado por aclamación.
Bruxelas, a 8 de Febreiro de 2019.
Nota de prensa Gañemos Vilanova, Somos Ribadumia, Somos Cambados.
Suscríbete a Arousa TV por correo p p p
