BALLET NACIONAL RUSO - EL LAGO DOS CISNES
Actuan el 22 de octubre en Vigo, el 23 en Pontevedra y el 27 en Vilagarcía.
MÚSICA PiotrTchaikovsky
LIBRETO VladimirBeghitchev / VasiliGeletzer
COREOGRAFÍA MariusPetipa
ESCENOGRAFÍA Ballet Nacional Ruso
A obra transcorre entre o amor e a maxia, enlazando nos seus cadros a eterna loita do ben e do mal. Protagonízana o príncipe Sigfrido, namorado de Odette, xoven convertida en cisne polo feitizo do malvado Von Rothbart e Odile o cisne negro e filla do bruxo.
entradas
27oct
octubre 2019
O Ballet Nacional Ruso fúndase no 1989, cando o lendario solista do Teatro Bolshoi de Moscova, Sergei Radchenko, intenta realizar a súa visión dunha compañía que reunise os elementos máis clásicos das grandes compañías de Ballet Kirov e Bolshoi nunha nova compañía independente dentro do marco do ballet clásico ruso. Os principais bailaríns de toda Rusia forxan baixo a dirección de Radchenko unha emocionante compañía, escenificando novas producións de clásicos atemporais coma Giselle, Don Quixote, Paquita e Carme.
Desde os seus comezos, o Ballet Nacional Ruso completou numerosas xiras por Europa, con extraordinarias recepcións en Italia, Francia, España, A Alemaña e Os Países Baixos, ademais de Reino Unido, incluíndo numerosas representacións no famoso Coliseo de Londres. A compañía realiza, ademais, xiras por todo o mundo, destacando as realizadas con grande éxito por Turquía (no Festival de Istambul), Grecia (Festival de Atenas), O Xapón, Corea, Singapur e Hong Kong.
Baixo a dirección de Sergei Radchenko, o Russian National Ballet continúa ampliando o seu repertorio. Ademais da posta en marcha de novos traballos tanto en Rusia coma no estranxeiro, a compañía especialízase nos ballets máis complexos do século XX, como A Cinsenta, Romeo e Xulieta, A Lenda do Amor, Flor de Pedra e A Idade de Ouro. Elena Radchenko investigou as producións orixinais en canto a coreografía e escenografía de varios ballets clásicos de Marius Petipa, incluíndo novas producións no ano 2000 de Don Quixote, Paquita e unha recreación de Giselle de Jules Perrot e de Jean Coralli.
O Ballet Nacional Ruso percorre de costa a costa os EE.UU. todas as tempadas nunha longa xira que amosa o seu amplo repertorio nas máis importantes salas e teatros do país.
Nacido en 1944, Serguei Radchenko gradúase na Escola de Danza de Moscova, para formar parte como Gran Solista da Compañía do Teatro Bolshoi durante 25 anos.
Bailou todo o repertorio do Bolshoi, tendo unha especial reputación nas Danzas Españolas, particularmente no papel do Toureiro na obra de Bizet - Schedrin Carme Suite, sendo a parella de baile de Maya Plesietskaya.
É o fundador do Ballet Nacional Ruso co que realiza un encomiable labor ao longo de máis de vinte anos, mostrando por todo o mundo a grandeza e mestría da danza clásica rusa. Ademais, Radchenko é habitualmente convidado polos estamentos máis importantes a nivel mundial para impartir clases maxistrais, facendo patente o liderado da escola do Teatro Bolshoi de Moscova.
S. Radchenko é desde 1976, Artista Honorario do Pobo da URSS.
