sábado en Ribadumia. 

Ribadumia en negro sobre o 25 de novembro Día Internacional da Eliminación da Violencia contra as Mulleres 

O Concello de Ribadumia acábase de adherir á campaña “En negro contra a violencia” sumándonos deste xeito aos 72 Concellos galegos e 2.859 establecementos e axentes sociais que participan nesta acción. O Concello de Ribadumia súmase así ás reivindicacións do 25 de novembro, Día Internacional da Eliminación da Violencia contra as Mulleres, declarado pola Asemblea Xeral das Nacións Unidas no ano 1999.

Esta campaña, da que pasamos a formar parte, busca sensibilizar aos veciños e veciñas da situación de violencia que sofren moitas mulleres polo mero feito de nacer muller e crecer nunha desigualdade en moitos casos normalizada. Algo que aínda hoxe en día persiste e pódese dicir agudízase, vistos os últimos casos de violencia machista en mozos e mozas que rozan a veintena.

A maiores, o Concello promoverá, en colaboración coa Secretaría Xeral de Igualdade, a exposición “Cartas de amor”. Trátase dunha mostra gráfica de ilustracións de diversos artistas sobre a violencia de xénero e a mocidade. Posto que cabe destacar a importancia de concienciar dende cativos.

Os traballos estarán expostos no CPI Julia Becerra Malvar entre o 27 de novembro e o 13 de decembro. Paralelamente á exposición, impartirase un obradoiro didáctico sobre igualdade o vindeiro 30 de novembro dirixido os cursos de 3º e 4º da ESO.

Invitamos aos veciños a visitar a plataforma do Concello e descargar os deseños da campaña “Ribadumia en Negro” para conseguir maior difusión e loitar xuntos pola eliminación da violencia de xénero.

25N
25nov
25 noviembre 2017
 
Top