"Noite do Tapeador" tapas a 1,70€ en desTapa Vilagarcía

O prezo por tapa será de 1,70€, de 2,70€ se se acompaña cun botellín de Mahou ou 3€ se se serve cun albariño ou mencía 

O gañador do Mandil de Ouro do Destapa de Inverno 2017 Julián Domínguez e o cociñeiro Rubén García realizarán mañá un showcooking en La Parra de Julián 

Co obxectivo de animar ao público a que disfrute tamén entre semana das 15 propostas do Destapa Vilagarcía este ano volve a haber unha xornada do tapeador, na que poder disfrutar de todas as tapas da ruta a un prezo máis reducido. Será mañá xoves a partir das 20 horas.

As condicións e o sistema de degustación son exactamente iguais que en calquera outro día. O único que varía é o prezo. A tapa soa servirase aun prezo de 1,70 euros nestes dous días. Se se serve acompañada dun botellín de Mahou o prezo será de 2,70€ e se se prefire con albariño Edisolea ou con mencía Viñaredo será de 3€ (en lugar dos 3,50€ que se paga por esta combinación no resto dos días).

Ao igual que en calquera outra xornada as persaas que degusten as tapas durante os días do tapeador poderán selar o libro de ruta, co que, unha vez recopilados seis selos diferentes, poderán votar pola súa tapa favorita e ao mesmo tempo participar no sorteo de 300 euros en metálicos e diversos agasallos.

Showcooking  

O gañador do Mandil de Ouro no Destapa de Inverno 2017, Julián Domínguez e o cociñeiro vilagarcián Rubén García realizarán mañá un showcooking na tapería La Parra de Julián.

Julián García amosará a preparación do Saquiño de carrilleira no seu prebe con crema de pataca e salicornia, a tapa coa que participa no Destapa de Inverno deste ano. Pola súa banda, Rubén García preparará un atún á brasa con salsa vizcaína e cuscús de coliflor.

O showcooking terá lugar a partir das 20 horas. A entrada é libre ata completar aforo. Os asistentes terán a oportunidade degustar ambas creacións.

Entrega de premios do concurso de tiraxe de cañas  

O representante de Mahou, Agustín Martínez e o presidente de Ahituvi, Richar Santamaría, fixeron hoxe entrega dos premios aos tres primeiros clasificados no concurso de tiraxe de cañas ‘Mahou-Destapa Vilagarcía’ celebrado o pasado venres.

A gañadora, Elena Niky, da tapería Tablizo, recibiu o seu peso, 65 kilos, en cervexa Mahou. O segundo clasificado Julián Domínguez, de La Parra de Julián, e a terceira, Dolores López, de La Malquerida, recibiron un diploma acreditativo.

Suscríbete a Arousa TV por correo

Publicar un comentario

[blogger]

MKRdezign

Formulario de contacto

Nombre

Correo electrónico *

Mensaje *

Con la tecnología de Blogger.
Javascript DisablePlease Enable Javascript To See All Widget