EU pedirá as facturas ao Concello polo gasto de 29.200€ no Certame da Camelia

O Grupo Municipal de EU considera un despilfarro o gasto do Concello no derradeiro Certame da Camelia (29.200€)


Xusto cando o Grupo de Goberno do PSdG e o BNG non deixan de insinuar dificultades económicas para negar melloras absolutamente imprescindibles para a cidadanía en Vilagarcía, excusando ata o derradeiro céntimo, como no caso das peticións de EU de aumento das becas de axuda ao estudio e o transporte para os universitarios ou as axudas para o pago das cuotas nos clubes deportivos para familias con poucos recursos, cantidades que levamos esixindo dende o comezo da lexislatura e que aínda non se puxeron en marcha por mor da falta de orzamento, resulta que o Goberno gasta, 29.200€ no certame da Camelia.

Parece que coa fin da recesión, que non coa recuperación social, o goberno do PSOE recupera as vellas prácticas de dilapidar cartos públicos sen un mínimo criterio de retorno social. Non vai ser EU quen se opoña á utilización de cartos públicos para investir en Vilagarcía e na súa promoción, pero entendemos que a seguinte relación de gastos é escandalosa e merece unha explicación por parte do Goberno:
  • CÉSPEDE 1578€ 
  • PIN PREMIO CAMELIA OURO E ODRIOZOLA 3078.98€ 
  • LÁMINAS OBSEQUIO640 2640€ 
  • ENTRADAS PAZO RUBIÁNS 800€ 
  • BONOS VISITA PAZO RUBIÁNS 968€ 
  • COMIDA MEMBROS DO XURADO 500€ 
Coas situación que se viven en Vilagarcía é suficientemente obsceno que o goberno gaste 500€ nunha
comida para sete persoas, ou 1700€ en visitar o Pazo de Rubiáns, ou máis de 3.000€ nun pin de ouro da Camelia.

En definitiva, o noso grupo pide explicacións e facturas destes gastos e solicitará ao goberno que ante
estas actitudes de despilfarro que se repiten demasiado nos últimos tempos en Vilagarcía, proceda a non negar peticións veciñas xustas por cuestión económicas no futuro.

Área Comunicación Esquerda Unida Vilagarcía


Suscríbete a Arousa TV por correo

Publicar un comentario

[blogger]

MKRdezign

Formulario de contacto

Nombre

Correo electrónico *

Mensaje *

Con la tecnología de Blogger.
Javascript DisablePlease Enable Javascript To See All Widget