🔴 Por unha Marea na Vila solicita ao goberno que garantice a accesibilidade nas obras


Por unha Marea na Vila rexistra unha petición ao goberno para garantir a accesibilidade nas obras da renovación do paseo marítimo



Dende Por unha Marea na Vila advertimos a semana pasada sobre as eivas de accesibilidade que se apreciaban na evolución das obras de renovación do paseo marítimo. Se ben, tal e como admitimos posteriormente, parece que o concello tomou algunha medida que vai en consonancia coa nosa advertencia, estas poden ser un apaño temporal, polo que son moitas as dúbidas que aínda albergamos ao respecto.

O noso compromiso coa accesibilidade obríganos a realizar as xestión que estean nas nosas mans para garantir que o goberno subscribe ese mesmo compromiso, preservando así os dereitos e o benestar das persoas con diversidade funcional. Por iso, hoxe rexistramos unha petición ao goberno para que supervise a aplicación do criterio de accesibilidade nas obras do paseo marítimos e que posteriormente dea contas á cidadanía sobre este tema. Lamentamos ter que lembrarlle ao goberno que faga o seu traballo e que as concelleiras responsables dos departamentos de urbanismo e obras, ambas liberadas, non estean enriba das obras que se realizan no concello, tratando de que cando menos cumpran coa lei, como no caso da accesibilidade. Parécenos que falta supervisión e sobran presas.
Que o electoralismo non supoña a maior das barreiras.

Na proximidade dunha nova cita electoral, asistimos, como é costume, a un acelerón na execución de obra pública. Pedímoslle ao goberno que as presas non prexudiquen o resultado das obras que se están levando a cabo, como pode ser a Praza de Galicia ou o propio paseo (por citar algún exemplo especialmente representativo). De pouco serve ter unha vila maiormente peonil se despois engadimos elementos que supoñan obstáculos ou impedimentos á mobilidade. Que o electoralismo non supoña a maior das barreiras. 

Por Unha Marea na Vila

Suscríbete a Arousa TV por correo

Publicar un comentario

[blogger]

MKRdezign

Formulario de contacto

Nombre

Correo electrónico *

Mensaje *

Con la tecnología de Blogger.
Javascript DisablePlease Enable Javascript To See All Widget