Preséntase en Cambados A Memoria das Palabras

Despois de nove meses de traballo, as alumnas e alumnos dos Institutos Ramón Cabanillas e Francisco Asorey presentan ao público os resultados dos seus traballos de investigación sobre os seus maiores. O Proxecto realizárono co nome A Memoria das Palabras, e será nun acto no Auditorio da Xuventude, ás vinte horas do venres, día nove de marzo.

Promovido pola concellería de Educación, Cultura e Normalización lingüística, co apoio da Deputación de Pontevedra, este proxecto procura promover o uso e difusión do galego entre o alumnado de secundaria e as familias dese alumnado, Cada alumna ou alumno que quixo participar escolleu a unha persoa da terceira idade, normalmente avós ou avoas seus, para faceren sobre ela un traballo de investigación e redacción que acompañou con fotografías, documentos ou debuxos que axudaran a explicar as dificultades, vivencias, sentimentos e experiencias desa xeración que naceu arredor de 1930. Pero vai máis alá porque o inicio deste proxecto pon en funcionamento o que se vai chamar o Arquivo da Memoria de Cambados, un sitio web no que aloxar información e coñecemento do pasado cambadés.

O resultado deses traballos será obxecto de difusión pública mediante un sitio web e unha aplicación telefónica, ademais da edición de dous libros, un das mulleres e outro dos homes de Cambados, o que en palabras do concelleiro Víctor Caamaño Rivas “será unha magnífica oportunidade para coñecermos as vidas de traballo, precariedade e dificultade polas que pasaron os nosos veciños de maior idade; pero tamén para que as xeracións máis novas podan ter referentes meritorios nos seus maiores desa vida construída a base de honradez e esforzo descomunal”.

Tanto a web, como a aplicación e os libros estarán disponibles a partir desa presentación pública do próximo venres, nun acto no que participarán a profesora Maribel Iglesias, en representación dos Equipos coordinadores; un representante do alumnado e outra persoa das protagonistas dos traballos; tamén estarán no estrado os prologuistas de cadanseu libro, María Xosé Cacabelos, e Francisco Fernández Rei; e Xosé Leal, Deputado de Cultura, Fátima Abal, alcaldesa e o concelleiro Víctor Caamaño, que fará as función de presentador.

O remate deste acto, cargado de simbolismo, será coa música do trío de música tradicional que forman Xaquín, Anxo e Roi Xesteira, que interpretarán pezas alusivas á súa vila.

O concello de Cambados fai extensivo o convite para este acto a toda a veciñanza cambadesa, con entrada libre ata completar o aforo, pero moi especialmente á comunidade escolar e docente dos Institutos que participaron no proxecto, e ás súas familias.
Suscríbete a Arousa TV por correo

Publicar un comentario

[blogger]

MKRdezign

Formulario de contacto

Nombre

Correo electrónico *

Mensaje *

Con la tecnología de Blogger.
Javascript DisablePlease Enable Javascript To See All Widget