Por unha marea na vila denuncia falta de accesibilidade e mal estado das praias

Por unha marea na vila esixe a Ravella que actúe na zona paseo marítimo e praias. O colectivo denuncia o mal estado das praias tralos temporais e a falta de accesibilidade en varios tramos do renovado paseo marítimo 

Por unha marea na vila denuncia o mal estado das praias de Vilagarcía tralos temporais das últimas semanas. Segundo os seus integrantes: “Ante a imaxe que presentan estes días as praias de Vilagarcía, cunha acumulación de esterco, paus e innumerables restos, dende Por unha Marea na Vila consideramos imprescindible que se realice unha limpeza extraordinaria de maneira inmediata, e outra ao rematar este ciclo de mareas vivas. Non se pode consentir que as praias presenten unha estampa tan lamentable e que sexan veciñas as que de maneira voluntaria estean a tratar de corrixir as consecuencias destas semanas de complicada meteoroloxía, ante a inacción do goberno local. Esperar á proximidade da Semana Santa, como indicou o concelleiro Lino Mouriño, é un síntoma de que dende o concello consideran secundarias as tarefas do mantemento, supeditándoas ás épocas de afluencia turística. Nin as praias son só para os turistas, nin a limpeza cousa do verán. Un mantemento continuo e adaptado ás circunstancias, meteorolóxicas ou de calquera outro tipo, á larga supón un aforro e evita urxencias e precipitacións cando se aproxime a época estival, á parte de ser o xusto coas persoas que habitamos na Vila durante todo o ano”.

Por outra banda, a plataforma expresa o seu malestar por non se teren respectado as prometidas medidas por unha vila accesible nas obras de renovación do paseo marítimo, xa que en diversos tramos xa executados poden observarse eivas nesta materia, como poden ser algunhas das vías de acceso ao propio paseo ou aos baños públicos. Esta situación demostra, segundo Por unha marea na vila, a forma chapucera e improvisada de actuar do equipo de Varela, “que fai para logo volver a facer, malgastando os cartos da cidadanía”. Lamenta, ademais, a falta de consideración fronte as persoas con diversidade funcional, que teñen que ver como o seu concello non pensa nelas nas novas obras que se acometen, o que resulta imperdoable. A accesibilidade debe ser un eixo fundamental no urbanismo dunha vila máis amable e inclusiva.

O colectivo demanda que se corrixan de inmediato estas dúas situacións, que afectan
directamente a un dos recursos turísticos máis importantes de Vilagarcía, e a unha das zonas
máis transitadas polas veciñas e veciños.

Suscríbete a Arousa TV por correo

Publicar un comentario

[blogger]

MKRdezign

Formulario de contacto

Nombre

Correo electrónico *

Mensaje *

Con la tecnología de Blogger.
Javascript DisablePlease Enable Javascript To See All Widget