Praza de Abastos, Vilagarcía. Entrada libre.
Promoción da 51 festa do Cocido de Lalín na Praza de Abastos de Vilagarcía, este acto foma parte do percorrido promocional do Cocido polas principais prazas de abastos de Galicia,

O Concello de Lalín iniciu a promoción da 51 Feira do Cocido de Lalín na Praza de Abastos de Pontevedra, nunha iniciativa que ao longo das vindeiras semanas se achegará aos mercados doutras cidades e vilas galegas e que está patrocinado por Gadis, Abanca e Coren.

O acto, que deu comezo ao percorrido promocional do Cocido polas principais prazas de abastos de Galicia, foi un éxito absoluto a todos os niveis e demostra que esta novidosa iniciativa que substituiu ao bus do cocido foi un acerto. Ao longo da mañá foron centos os pontevedreses e os turistas que se achegaron ao escenario da promoción a solicitar información sobre Lalín e sobre a Feira, así como a degustar as tapas que se serviron ao público.

Anabel Gulías, Vilariño e Cuíña coincidiron en sinalar a boa sintonía existente entre os concellos de Lalín e Pontevdra, factor, entre outros, determinante para dar inicio ao actos de promoción nesta cidade. Os representantes municipais destacaron a fortaleza do Cocido como elemento de atracción de visitantes e prato que serve para situar a Lalín no mapa.

Tamén fixeron fincapé en que a Feira do Cocido que este ano se celebra o 24 de febreiro é a festa gastronómica máis importante do inverno, motivo polo que dende o Goberno Local se vén realizando un esforzo moi importante na súa difusión e co obxecto de conseguir que un ano máis se supere o récord de cocidos servidos nos restaurantes de Lalín. Finalmente convidaron a todos os veciños de Pontevedra a visitar Lalín durante o Mes do Cocido e a acudir ao día grande o vindeiro 24 de febreiro.

A presentación desta mañá serviu para dar inicio aos diferentes actos promocionais que permitirán difundir o festexo gastronómico e os atractivos turísticos de Lalín polas principais cidades de Galicia a través dos seus mercados de abastos. O Goberno municipal optou este ano por esta proposta novidosa para dar a coñecer o Cocido e os recursos turísticos da nosa Vila. Concretamente, a iniciativa consistirá na realización dun percorrido por 6 das principais e máis coñecidas prazas de abastos do país, onde se realizará unha presentación da Feira, patrocinada por GADIS e coa colaboración de ABANCA e COREN, acompañada de cociña en directo por parte de cociñeiros lalinenses e de degustacións gratuítas de tapas baseadas no Cocido e nos produtos de Lalín, que permitirán -ao mesmo tempo- poñer en valor a elevada calidade da nosa hostalería e os novos valores da cociña lalinense. Os actos sempre se acompañarán dunha ampla mostra do produto feito en Lalín, complementando de maneira ideal esta campaña de promoción, así como en xeral a oferta comercial do municipio.

A intensa campaña promocional desenvolverase durante as próximas semanas e levará o Cocido aos mercados de abastos máis importantes de Galicia, que non só funcionan como motores do comercio local, senón que incluso o fan como centros de atracción de visitantes. O programa empezou en Pontevedra, e tamén chegará a Vilagarcía, A Coruña, Vigo, Lugo e Santiago de Compostela. Trátase, en todos os casos, de mercados moi recoñecidos e de contrastada afluencia de público, o que garantirá unha promoción eficaz do evento chegando, ademais, a unha gran cantidade de público obxectivo susceptible de achegarase posteriormente á Feira, que se celebra o día 24 de febreiro.

As sesións promocionais están coidadas ao detalle e organizadas de tal modo que capten a atención dos cidadáns que acoden ás prazas. Deste xeito, colocarase un set gastronómico con acabados en madeira e de deseño atractivo e versátil con cociña incorporada e espazo para a realización de difusión turística, que tamén contará con todo o material de promoción turística e cultural do Concello (rueiro, todos os folletos sobre os diferentes atractivos turísticos de Lalín) e unha pantalla de televisión para a emisión dos diferentes vídeos promocionais do municipio, entre outros recursos.

26ene
enero 2019
xaneiro


Suscríbete a Arousa TV por correo
 
Top